شعر زیبایی از شاعر توانمند کورد سعید عبادتیان"بانان"
چەوەڕی ڕادم بایدهوه
==========
دڵم بێاوانێگ تەنیاس
پڕ لە وێرانیەیل واس
ئەتر شەوەارەگان یاس
چەوەڕی ڕادم بایدهوه
ت دەرد بێ دەرمانمی
هەم مەڵهەمی، هەم ژانمی
سوومای چەوەیلەگانمی
چەوەڕی ڕادم بایدهوه
ساز دەسم حەیراندە
جەسەم بەنبەن وێرانده
دیدەم، وادەی سێرانده
چەوەڕی ڕادم بایدهوه
لە هجراند بەنەیل بان
لە لیم سووز سەرتەز توان
ڕێوار ڕییەگەی کەشکەشان
چەوەڕی ڕادم بایدهوه
پەپوو خوەشجەماڵ هاتەوە
شەیدا و سووکباڵ هاتەوە
ڕەنگین و پڕخاڵ هاتەوە
چەوەڕی ڕادم بایدهوه
کۊەیل کیشانه تووڕ کەو
چەقی چەقاڵەی چەو لە خەو
نەرگس سۊەرمێ دایە لە چەو
چەوەڕی ڕادم بایدهوه
کەیکوو چەنی نەخش ها چووێ!
شەوبوو چەنێ خوەشه بووێ!
لەو لاو چەنێ تەرکە لووێ!
چەوەڕی ڕادم بایدهوه
شنەی وای شەمال هاتەوە
شوان وە شمشاڵ هاتەوە
کووچ کوردەماڵ هاتەوە
چەوەڕێ ڕادم بایدهوه